दाताळा येथील पोद्दार इंटरनॅशनल स्कूलकडे जाणाऱ्या मुख्य मार्गावरील खड्ड्यांमुळे विद्यार्थ्यांच्या जीवाला धोका..!
शिवसेनेची सा. बां. विभागाच्या कार्यकारी अभियंत्याला तात्काळ दुरुस्तीची मागणी
AMC24 News 📰 🗞️
विशेष प्रतिनिधी. चंद्रपूर
चंद्रपूर दि. ३१ जुलै :- चंद्रपूर शहरातील दाताळा येथील पोद्दार इंटरनॅशनल स्कूलकडे जाणारा मुख्य मार्ग सध्या अत्यंत दयनीय अवस्थेत असून संपूर्ण रस्त्यावर मोठ-मोठे खड्डे पडले असतांना सततच्या पावसामुळे त्यात पाणी साचल्याने खड्ड्यांचा अंदाज येत नाही. त्यामुळे दररोज या मार्गावरून जाणाऱ्या शेकडो विद्यार्थी, पालक, शिक्षक व नागरिकांच्या जीवाला धोका निर्माण झाल्याची गंभीर बाब लक्षात घेवून शिवसेना चंद्रपूर तालुका प्रमुख तथा शिवसेना भारतीय कामगार संघटनेचे जिल्हाध्यक्ष संतोष दशरथ पारखी यांनी आज सार्वजनिक बांधकाम विभाग क्र 1 चे कार्यकारी अभियंता पगारे व विभाग क्र 2 चे कार्यकारी अभियंता टांगले यांना निवेदनाद्वारे तात्काळ दुरुस्तीची मागणी केली.*
*पारखी यांनी केलेल्या प्रमुख मागण्या:*
*1. पोद्दार स्कूलकडे जाणाऱ्या मुख्य मार्गाची तात्काळ पाहणी करून अहवाल सादर करावा.*
*2. रस्त्यावरील सर्व जीवघेणे खड्डे ७ दिवसांच्या आत तात्पुरते बुजवून वाहतूक सुरळीत करावी.*
*3. निकृष्ट दर्जाच्या कामाची चौकशी करून संबंधित कंत्राटदार व अधिकाऱ्यांवर कारवाई करावी.*
*4. विद्यार्थ्यांच्या सुरक्षिततेसाठी या मार्गाचे दर्जेदार व टिकाऊ डांबरीकरण/काँक्रीटीकरण लवकरात लवकर करण्यात यावे.*.
*विद्यार्थ्यांच्या सुरक्षेचा प्रश्न गंभीर असल्याने या निवेदनाची तात्काळ दखल घेऊन कार्यवाही न केल्यास शिवसेना स्टाईलने जनआंदोलन छेडण्याचा इशारा देण्यात आला असून यावेळी युवाशक्ती ग्रामविकास संघटनेचे चंद्रपूर जिल्हाध्यक्ष योगेश मुऱ्हेकर व शिवसेना चंद्रपूर उप-तालुका प्रमुख विक्की महाजन ह्यांची उपस्थिती होती.*
AMC 24 News 📰 🗞️
मुख्य संपादक अरविंद चाहादे घुग्घुस
9405714165
